Siglir tar il cuntegn
Inhalt

Chantun Puspè dapli persunas che han fatg diever dal «maun offert»

En tut hai dà 18'503 telefons tar il telefon d'agid. 13'399 discurs haja dà uschia. Analisas dals temas, priu ora quels da malsognas psichicas hajan mussà interesantas differenzas tranter umens e dunnas.

Purtret da la bucca d'ina dunna ed il telefon dasperas.
Legenda: Il «maun offert» vegn duvrà adina pli savens en la Svizra da l'ost ed en il Principadi da Liechtenstein. Keystone

Il dumber da dunnas che telefoneschan è s’augmentà ed è tar radund 65% l’onn avant era el anc tar 60%. Tar ils umens eran quai l'onn passà anc 40% e quest onn anc 35% che han duvrà il servetsch en la Svizra orientala ed il Principadi da Liechtenstein.

Umes discurran bler da temas ordaifer famiglia e relaziun

Umens discurran dubel uschè savens sco las dunnas da lur sa cuntegnair cun dependenzas e da lur sexualitad. La relaziun cun il partenari vegn era pli savens menziunada. Era problems per l'existenza sajan vegnids tematisads marcantamain dapli. Ils temas discutads al telefon varieschian tranter umens e dunnas uschia ch’ina scolaziun specifica da gender fetschia senn, scrivan ils responsabels dal maun offert.

Las dunnas discurran il pli savens da la famiglia e da l'educaziun cun ils telefonists e las telefonistas.

RR novitads 16:00