Siglir tar il cuntegn

Header

Video
Inscunter a Puntraschigna cun regenza e regiun
Or da Telesguard dals 24.03.2020.
laschar ir
cuntegn

Puntraschigna Optimar infurmaziun e controllas da plazzal

En il center èn stads dus temas. Dad ina vart ils plazzals da construcziun en l'Engiadina e las valladas talianas, da l'autra ils numerus giasts da lingua taliana en lur abitaziuns da vacanzas.

La communicaziun cun els duai vegnir megliurada e quai sin tut ils chanals, uschia il cusseglier guvernativ Marcus Caduff (schef dal departament d'economia publica e fatgs socials) durant l'inscunter a Puntraschigna. Quai per infurmar er ils giasts da lingua taliana davart las reglas e prescripziuns che valan en Svizra.

Dapli controllas

Sco gia a l'inscunter cun represchentants da la regiun Moesa il glindesdi, han ils dus regents Marcus Caduff sco er Peter Peyer suttastritgà ch'il Chantun sa tegnia strictamain vid las ordinaziuns da la Confederaziun. Ils plazzals na vegnian betg serrads. Dentant duai dar controllas pli severas. Saja quai a reguard ils transports da viadi dals frontaliers, sco er a reguard la situaziun sin ils plazzals stess.

Chapientscha gea, dentant...

In appel da la Comunità di montagna della Valchiavenna, nua ch'ils presidents communals da la val taliana supplitgeschan da serrar ils plazzals per interrumper la circulaziun dal coronavirus, ha la regenza dà vinavant a l'adressa dal Cussegl Federal. Unic quel avess ina pussaivladad da reagir en chaussa.

RTR novitads 17:00