Siglir tar il cuntegn
Inhalt

Chantun Pult: I dovr ina nova dinamica

Jon Pult ha infurmà ils commembers da la PS ch'el demissiunescha sco president sin il di da partida dals 9 d'avrigl 2016. I saja temp da surdar la responsabladad, scriva Pult en sia brev als commembers. Cun ina nova direcziun dettia era la schanza per ina nova dinamica ha ditg Pult en il studio RTR.

Legende: Video Jon Pult demissiunescha sco president da la PS grischuna abspielen. Laufzeit 01:04 Minuten.
Or da Actualitad video dals 25.11.2015.

El sa sentia er in zic stanchel da la lavur da president ed el veglia uss avair dapli temp per sia vita privata e professiunala, ha ditg Pult en il studio da RTR. En ses discurs cun il moderatur ha Pult er fatg bilantsch da ses 7 onns temp d'uffizi cun votaziuns ed elecziuns. El saja cuntent, la bilantscha saja positiva. Tut quests cumbats da votaziun ed elecziun hajan dentant er custà blera forza. Er saja el anc adina il giuven dals presidents da las partidas grischunas ed il pli ditg en uffizi.

Ils 7 da mars 2009, al di da partida a Samedan, han ils commembers da la PS elegì Pult, ch'aveva lura 24 onns, sco president da partida.

RR novitads 10:00