Siglir tar il cuntegn
Inhalt

Chantun PS grischuna refusa la nova lescha dal servetsch d'infurmaziun

La PS grischuna di en sias parolas «Na» a la nova lescha davart il servetsch d'infurmaziun e «Gea» a l'iniziativa AVS+ ed a l'iniziativa per in'economia verda.

Telefon davostiers e headset davant.
Legenda: La PS dal grischun è encunter la nova lescha dal servetsch d'infurmaziun. Keystone

La nova lescha davart il servetsch d'infurmaziun haja survegnì in cler «Na» da la partida. Tras questa lescha vegnian las cumpetenzas dal servetsch d'infurmaziun extendidas massivamain, ha communitgà la suprastanza da la partida socialdemocratica (PS) grischuna. Il servetsch d'infurmaziun pudess entrar en la sfera privata dals burgais era senza in ferm suspect per in delict.

Gea per rinforzar AVS e l'economia per ils biadis

La PS è per l'iniziativa da l'AVS+, perquai ch'i saja impurtant d'investir en l'emprima pitga che saja pli calculabla che las cassas da pensiun.

Era l'iniziativa per in'economia verda sustegn la partida PS. A lunga vista na possian ins betg duvrar dapli resursas che quai ch'è avant maun. Cun in «Gea» a l'iniziativa sajan ins sin la dretga via.

Las iniziativas e la lescha van en votaziun a l'urna ils 25 da settember 2016.

RR novitads 16:00