PS Cuira vul in sez dapli cun otg candidatas e candidats

Dasper ils deputads da fin uss ha la partida nominà Silvia Hofmann, Lukas Horrer e Patrick Degiacomi. Uschia vul la PS gudagnar in ulteriur sez en il Cussegl grond.

Cussegl grond.

Legenda da maletgs: Cun otg candidats vul la PS Cuira gudagnar in ulteriur sez en il Cussegl grond. Keystone

Sco emprima partida da la citad ha la Partida socialdemocratica da Cuira nominà ses candidats per il cumbat electoral dal Cussegl grond da l’onn che vegn. Sper las tschintg deputadas e deputads ch’èn gia en il Cussegl grond

  • Tina Gartmann-Albin
  • Sandra Locher Benguerel
  • Conradin Caviezel
  • Andri Perl
  • Beat Deplazes

candideschan da nov era:

  • Silvia Hofmann
  • Lukas Horrer
  • Patrik Degiacomi.

Cun otg candidatas e candidats nominads vul la PS gudagnar in ulteriur sez en il Cussegl grond, communitgescha la partida.

L’emna passada avevan Christina Bucher-Brini e Jon Pult communitgà da betg pli candidar per il Cussegl grond.

RR novitads 10:00