Siglir tar il cuntegn

Header

cuntegn

Chantun Proprietaris d’autos VW na duajan betg stuair pajar enavos daners

Las persunas che han survegnì reducziuns da taglia chantunalas per autos na duajan betg stuair pajar enavos quels, er sche la reducziun n’era betg giustifitgada, quai ha ditg Christian Rathgeb.

Persunas che han survegnì reducziuns da taglia per autos pli pauc nuschaivels na duajan betg stuair pajar enavos quels. Quai er el cas sche las reducziuns na fissan atgnamain betg stadas legalas. Quai ha respundì il cusseglier guvernativ Christian Rathgeb avant il Cussegl grond sin ina dumonda en il connex cun il scandal da software manipulada da motors da VW. Ils proprietaris na tutga en quai connex nagina culpa, uschia Rathgeb. Quants autos ch’èn pertutgads en Svizra e dat insumma autos da VW en svizra ch’èn pertutgads da la software manipulada n’è anc betg enconuschent.

RR novitads 10:00

Artitgels legids il pli savens