Siglir tar il cuntegn
cuntegn

Chantun Pronta da far midadas davart il temp da chatscha

La regenza grischuna è pronta d'acceptar l'incumbensa dal deputà liberaldemocrat Christan Kasper che vul midar il temp da chatscha, quai dentant cun restricziuns.

In chatschader che spievlescha.
Legenda: La regenza grischuna è pronta da far midadas davart il temp da chatscha, dentant cun restricziuns. Foto: Peter Vonow

D'ina vart è vegnì inoltrà plant cunter il conclus dal Cussegl grond da declerar nunvalaivla l'iniziativa da chatscha speziala. Da l'autra vart è vegnì inoltrà l'avust passà l'iniziativa populara "Per ina chatscha etica che sa cumporta cun la natira". Quella vegn il Cussegl grond probabel a tractar pir en la sessiun da favrer da l'auter onn.

Il dretg temp per ina revisiun da la lescha da chatscha saja perquai pir suenter che las 2 proceduras sajan terminadas. Ultra da quai stoppian era las singulas cundiziuns giuridicas e relevants per la pratica vegnir scleridas detagliadamain.

RR novitads 11:00