Siglir tar il cuntegn
Inhalt

Chantun Promover scolars talentads sin stgalim superiur

La scola da la citad Cuira po introducir classas da talents a partir da l'auter onn da scola. La regenza grischuna ha approvà il concept.

Scolaras e scolars che sunan clarinetta.
Legenda: La classa da talents vegn introducida successivamain aifer trais onns. Keystone

Cun in urari spezial survegnan scolaras e scolars cun duns musicals u sportivs sin il stgalim superiur la pussaivladad da trenar u exercitar pli savens.

Gia la quarta scola che promova talents en Grischun

La scola da la citad da Cuira è cunquai gia la quarta scola grischuna che porscha ina classa da talents; quai dasper la scola populara da Tavau, la scola da talents Surselva e la scola sportiva Champfèr.

Tenor la nova lescha da scola dovran las instituziuns ch'èn responsablas per la scola ina permissiun da la regenza per manar classas da talents.

RR novitads 10:00