Siglir tar il cuntegn
cuntegn

Chantun Prominent(a)s Grischun(a)s en rollas nunusitadas

La campagna «Gioga tia atgna rolla» vul promover l’egualitad da las schanzas e mussa persunalitads grischunas en rollas nunusitadas. Quai duai promover novas vistas da patratgar e impedir che rollas fixas impedeschan in svilup en il patratgar.

Legenda: Guardar il video «Gioga tia rolla». Durada 03:01 minutas.
Or da Telesguard dals 05.03.2018.

Sin sis differents placats èn da vesair persunas enconuschentas grischunas en rollas novas apparentamain nunusitadas. Quai per intimar da betg patratgar en schemas ch’impedeschan il svilup. Sco il post da stab per l’egualitad da las schanzas scriva duai la campagna sensibilisar la societad da betg esser fixà sin rollas e aspectativas socialas e uschia impedir in svilup.

Novas rollas e ina nova vista sin um e dunna

Tuts han in maletg co ina dunna e co in um han da sa cumportar e tge ch’èn las incumbensas e las obligaziuns, hai num en la communicaziun. Uschia sajan nus influenzads da la societad, medias e da la reclama. Cura che nus barattain las rollas tipicas per las schlattainas alura vegnan ins conscients quant fitg ch’ils clichés en francads en il chau da mintgin. Las rollas stereotipicas per las schlattainas favurisescha la discriminaziun e la violents a influenzeschan la tscherna da la professiun e dal studi.

TR Telesguard 17:40