21 milliuns francs stattan a disposiziun al turissem grischun en il rom da «Grischun 2014-2021». Ils projects inoltrads fin ussa n'èn dentant memia pauc madirs per survegnir ina cumpart da quests daners, uschia ha ditg Eugen Arpagaus, il manader da l'Uffizi da turissem ed economia dal Grischun.
Per pudair profitar dals milliuns che stattan a disposiziun dovri projects innovativs. Il chantun decida lura tgenins projects che survegnan daners. El ha numnadamain fixà per tge ch’ils daners ston vegnir dads ora. Per exempel en connex cun furmaziun supplementara, transfer da savida u er en connex cun sistems per exempel dad IT. Per infrastructura e campagnas da placats classicas na datti dentant nagut.
