Siglir tar il cuntegn

Header

Bajetg cun ina da las interpresas cun sedia en il Chempark a Leverkusen.
Legenda: Ina da las interpresas cun sedia en il Chempark a Leverkusen è il concern da chemia Bayer. Keystone
cuntegn

Chantun Project da Repower per in’ovra cumbinada en Germania s’avanza

Il concern d’energia grischun Repower planisescha en Germania in indriz che cumbinescha forza electrica e chalira.

Quest indriz duai furnir current electric e vapur per pliras interpresas da la chemia a Leverkusen en la Germania. E l’indriz duai sa cunfar cun las finamiras energeticas da la regenza tudestga.

Sco la Repower communitgescha, vegniss il project realisà cun turbinas producidas en Frantscha, e la construcziun faschess in concern spagnol. La planisaziun generala fiss en ils mauns da la Repower.

La decisiun finala sche questa ovra vegn realisada, duai succeder anc quest onn, scriva la Repower.

RR novitads 15:00