Siglir tar il cuntegn

Header

cuntegn

Process Confermà sentenzia dal delinquent sexual da Cuira

In delinquent sexual da Cuira è vegnì sentenzià cun dretg a trais onns praschun. Il Tribunal federal ha refusà la pretensiun da l'um ch’el saja unfrenda dad in cumplot.

L’um aveva mulestà sexualmain pliras giuvnas en il conturn da Cuira. Per pli ha el s'avischinà a dunnas giuvnas ch'eran sturnas e silsuenter malduvrà ellas en sia abitaziun ed en in cas a la staziun da Cuira. La pli giuvna unfrenda aveva da lez temp 13 onns.

Nagin cumplot – confermà sentenzia

La Dretgira chantunala dal Grischun aveva gia sentenzià l’onn passà il delinquent a trais onns praschun. L'um ha buca acceptà questa sentenzia. Avant il Tribunal federal ha el pretendì che la sentenzia saja vegnida fatga sin basa da pretensiuns cuntradictoricas e betg persvadentas. Las persunas hajan fatg in cumplot cunter el. Il Tribunal federal ha dentant refusà il recurs da l'um.

audio
Per tadlar: Las novitads da las 12:00
ord Actualitad dals 10.09.2019.
laschar ir. Durada: 5 minutas 25 Secundas.

RR novitads 12:00

Artitgels legids il pli savens