Reto Crameri è il nov president da Procap grischun, l'organisaziun per persunas cun impediments. La radunanza generala ha elegì Crameri sco successur da Ilario Bondolfi ch'è stà 12 onns en la suprastanza, ils ultims 10 sco president.
A la radunanza generala è vegnì orientà che l'organisaziun ha cusseglià l'onn passà passa 520 commembras e commembers. Procap grischun ha en tut 3'300 commembers ed è la pli gronda organisaziun per persunas cun impediments en il Grischun.
