Siglir tar il cuntegn
Inhalt

Chantun Privel d’incendis da guaud considerabel fin grond

Cun las autas temperaturas e bler sulegl crescha era il privel d’incendis. En la gronda part dal Grischun regia il mument in privel d’incendis da guaud considerabel.

Survista dal privel d’incendis da guaud en il Grischun.
Legenda: Survista dal privel d’incendis da guaud en il Grischun. MAD

En las valladas dal Sid (Mesauc, Bregaglia, Puschlav) è il privel dentant grond tenor l’Uffizi da guaud e privels da la natira. Sulet en la regiun da Tavau e Claustra è il privel moderà.

Survista dal privel d’incendis da guaud en Svizra.
Legenda: Survista dal privel d’incendis da guaud en Svizra. BAFU

Privel grond en il Tessin e Vallais

En general regia in grond privel d’incendis da guaud en il sid da las Alps, tranter auter en il Tessin ed en il Vallais.

In scumond da far fieu na datti il mument anc betg en Svizra. Ils chantuns admoneschan dentant dad ir enturn precaut cun fieu en il liber.

La gronda raschun per il privel d’incendis saja la setgira perquai ch’i na sa sfradenti era betg durant la notg, uschia l’expert Michael Reinhard da l’Uffizi federal d’ambient (Bafu).