Siglir tar il cuntegn

Header

video
Pro e contra la lescha da transparenza- duas posiziuns
Or da Telesguard dals 16.02.2016.
laschar ir. Durada: 3 minutas 34 Secundas.
cuntegn

Chantun Principi da transparenza è spustà

Ils deputads dal Cussegl grond han stuì stritgar ensemen il plan da lavur per la sessiun da favrer. Memia ditg han els discussiunà il program da la regenza per ils onns 2017 enfin 2020.

audio
Bunura: CG: 3 dis senza decisiuns - è quai sfarlattà, Vitus Dermont?
ord Actualitad dals 18.02.2016.
laschar ir. Durada: 3 minutas 49 Secundas.

I na saja betg usità ch'i vegnia discutà uschè ditg, i saja sta exagerà. Uschè descrivan deputadas e deputads la debatta sur dal program da la regenza.

Bunamain l'entira sessiun è la debatta ida, e quai malgrà ch'i n'ha dà nagina votaziun. Il program vegn be prendì per enconuschientscha.

Dal turissem fin l'economia

Dentant la regenza prenda si ils votums e las remartgas dals deputads, ed uschia han els era propi nizzegià la schanza da far valair lur opiniun tar differents puncts dal program. Discutà ha il Cussegl grond per exempel davart il turissem, l’economia ubain la scolaziun.

Bun per la lescha da transparenza

Ils deputads e las deputadas na laschan dentant betg vilentar dal fatg, che la lescha da transparenza na vegn betg pli tractada en questa sessiun. Er sche quai è la tractanda ch'empermetta la blera tensiun. Pli gugent pli tard, dentant lura endretg e cun avunda temp, è stà il tenor dal Cussegl grond.

Artitgels legids il pli savens