Siglir tar il cuntegn

Header

cuntegn

Chantun Pretschs da chasas restan stabils en il Grischun

En il Grischun pajan ins quest onn tuttina bler u in zic dapli per ina chasa cumpareglià cun in onn avant. Quai mussa il rapport d'immobiglias da l'ETH Turitg e da la pagina d'internet Comparis.

Guardà sur l'entir chantun èn ils pretschs per chasas stads stabils u be muntgads in zic. I dat dentant differenzas tranter las regiuns. Pli u main tuttina auts èn ils pretschs en ils districts Engiadina Bassa e Val Müstair, Plaun, Claustra e Tavau sco er Moesa. Il pli fitg creschids èn ils pretschs per ina chasa en il district Alvra cun 29%.

Il pli char èsi da cumprar chasa a Turitg

Cumpareglià cun l'onn 2007 èn ils pretschs per ina chasa en il chantun da Turitg creschids per 97%. In meter quadrat custa oz a Turitg en media 13'000 francs. Ils pretschs ils pli bass per meter quadrat datti a Le Locle en il chantun da Neuschatel. Là pajan ins 3'250 francs per meter quadrat.

RR novitads 09:00

Artitgels legids il pli savens