Siglir tar il cuntegn
Inhalt

Chantun Premi schurnalistic SRG.R 2015 per Astrid Alexandre

Il Cussegl dal public SRG.R ha surdà il Premi schurnalistic SRG.R 2015 ad Astrid Alexandre. Ella è vegnida undrada per la contribuziun «Med Ursina i København» en l'emissiun da profundaziun Marella dal Radio Rumantsch. Il premi è dotà cun 6’000.- francs.

Astrid Alexandre
Legenda: Astrid Alexandre RTR

L'emissiun «Med Ursina i København» purtreteschia Ursina Giger a Copenhagen e transmettia grondiusas impressiuns da questa citad, uschia la giuria dal premi SRG.R.

Il Premi schurnalistic SRG.R onurescha products schurnalistics da la chasa RTR. La giuria, che consista da tschintg commembers dal CDP SRG.R, ha tadlà e guardà las radund 35 contribuziuns inoltradas.

Per il Premi schurnalistic SRG.R 2015 ha ella nominà las suandantas emissiuns e contribuziuns:

Da san. Adriano Iseppi (referent), Guadench Dazzi (manader da la redacziun reflexiun) e Michael Spescha (president dal Cussegl dal public SRG.R).
Legenda: Da san. Adriano Iseppi (referent), Guadench Dazzi (manader da la redacziun reflexiun) e Michael Spescha (president dal Cussegl dal public SRG.R). RTR
  • «Med Ursina i København» Astrid Alexandre (radio)
  • «Amur, lavur u aventura» Esther Berther (radio)
  • «IMPORT EXPORT – Ils affars interessants da Mattias Bulfoni» Martin Cantieni (televisiun)
  • «Complicato – tanto complicato» Eligi Derungs (televisiun)
  • «In’emna turbulenta a Ftan / Dossier: Institut Otalpin Ftan» David Truttmann e ses team (televisiun / online)