Siglir tar il cuntegn

Header

cuntegn

Chantun Premi grischun da litteratura per Angelika Overath

Angelika Overath survegn il Premi grischun da litteratura 2015. Quai communitgescha la Fundaziun Premi grischun da litteratura.

La schurnalista e scriptura da Sent vegn onurada en renconuschientscha per sia lunga e cuntinuanta activitad litterara e per ses impegn per la lingua rumantscha e la cultura grischuna.

Ses pli nov cudesch, "Sie dreht sich um" è vegnì ora l'atun passà. In cudesch che tracta da las figuras sin maletgs artistics nua che las persunas sa volvan envers l'aspectatur. Ulteriuras ovras èn tranter auter Tafelfrunde, Fliessendes Land, Alle Farben des Schnees u era Fermada sün dumonda - In den Bergen bleiben.

Era scrit rumantsch

video
Angelika Overath survegn in premi da litteratura
Or da Telesguard dals 11.02.2015.
laschar ir. Durada: 3 minutas 39 Secundas.

Angelika Overath ha dentant era scrit per rumantsch. Sut il titel "Poesias dals prüms pleds" sa fartschenta Overath cun ils prims pleds rumantschs ch'ella ha emprendì ed ha fatg quai en furma da poesia (guarda l'audio giusut).

Il premi è dotà cun 10'000 francs e vegn surdà ils 11 da favrer. Ils victurs dal premi da litteratura dals ultims 5 onns:

2014: Oscar Peer, Cuira/Lavin

2013: Silvio Huonder, Schwielowsee (b.Berlin)/Cuira

2012: Andrea Paganini, Cuira/Poschiavo

2011: Leta Semadeni, Lavin

2010: Peter Michael-Caflisch, Arezen

Artitgels legids il pli savens