Siglir tar il cuntegn

Chantun Premi grischun da cultura per Domenic Janett

Domenic Janett survegn il premi grischun da cultura 2016. Quai communitgescha la regenza grischuna.

Domenic Janett e sia clarinetta.
Legenda: Domenic Janett e sia clarinetta. mad
Eu n'ha schon fich plaschair da survegnir quel premi, ma i's pensa lura eir adüna: n'haja merità o na? Ma lura pensa: schi, schi, tü varast schon fat inandret tia roba.
Autur: Domenic Janettmusicist

Janett survegn quest premi en appreziaziun da sia ovra da la vita sco musicist, magister da musica, dirigent, cumponist ed arranschader en il mund da la musica populara.

Il premi è dotà cun 30’000 francs.

Plinavant ha la regenza concedì set premis da renconuschientscha ed otg premis da promoziun da mintgamai 20’000 francs. Quels van a Johann Baumgärtner, Luigi Corfù, Lina Frei-Baselgia, Rita Illien, Rico Peterelli, Clau Scherrer e Fritz Schulthess.

Ils premis vegnan surdads en il rom d'ina festa che ha lieu il zercladur 2016.

RR novitads 10.00