Siglir tar il cuntegn
Inhalt

Chantun Pre-elecziuns da la PS: 1'000 èn sa registrads

Radund 1’000 persunas èn sa registradas per las pre-elecziuns da la partida socialdemocratica dal Grischun. Fin dumengia ha mintga Grischun pudì sa registrar via internet.

Ils dus candidats Andreas Thöny e Peter Peyer.
Legenda: Ils dus candidats Andreas Thöny e Peter Peyer. RTR

Radund 1’000 persunas èn sa registradas per las pre-elecziuns da la partida social-democratica dal Grischun, ha declerà Lukas Horrer il manader dal cumbat electoral. Fin dumengia ha mintga Grischun pudì sa registrar via internet.

En il segund pass pon ils electurs decider sch’els vulan trametter Peter Peyer u Andreas Thöny en il cumbat electoral per in sez en la regenza da l’auter onn.

3'200 electurs en tut

En tut survegnan radund 3'200 persunas ils documents electorals da la PS – sper las 1'000 persunas ch'èn sa registradas pon er anc ils commembers da partida ed ils abunents dal magazin da partida eleger – e quai ils 25 da zercladur.

La finamira da la PS èsi che almain 1'200 persunas elegian. Lura vegn decidì tgenin dals dus candidats che dastga ir en il cumbat electoral, per lura defender il sez da la PS en la regenza Grischuna.

RR novitads 16:00