Siglir tar il cuntegn
Inhalt

Chantun Prättiga – egls traglischants tar il C36

A l’exposiziun da commerzi ed industria a Grüsch hai dà da vesair products da tuttas sorts – davent da mobiglias sur victualias enfin tschitschapulvra hai dà dal tut da cumprar. In stan aveva dentant exponì insatge tut aparti. Numnadamain l’auto da furmla 1 dal team da Sauber.

La fatschenta Pneu Tardis ha exponì l'auto actual da furmla 1 dal team da Sauber.
Legenda: In dils stars da la Prättiga è senza dubi stà l’auto da furmla 1 C36. RTR, Selina Chistell

Tar il stan numer 39 da la Pneu Tardis èn blers visitaders seretenids. Spezialmain giuvens, buobs e lur babs èn stads airi tar quai stan forsa in zic pli ditg che tar ils auters. Il motiv per quai è l’auto da furmla 1 ch’il vendider da pneus Pneu Tardis ha exponì.

Il bolid fascinescha

Propi betg mintga di datti da vesair in dils vehichels dal team da Sauber ch’è exact tuttina sco quel che concurrenzescha il mument el circus da furmla 1, simplamain senza motor. Uschiglio correspunda igl exponent a la Prättiga exact al material e la grondezza sco quels che van sur las pistas da Monza, Monaco u Silverstone.

RR actualitad 08.00