Siglir tar il cuntegn

Header

cuntegn

Chantun PPS ponderescha da candidar per cussegl dals chantuns

Tenor il president da la PPS grischuna, Heinz Brand ponderescha la PPS da candidar per il cussegl dal chantuns sch’i na dettia nagina colliaziun da glista da tut las partidas burgaisas.

Sin dumonda da RTR dementescha Heinz Brand, il president da la PPS grischuna, ch’el veglia far squitsch sin la Partida liberaldemocratica. El di be che la PPS pondereschia da candidar per il cussegl dal chantuns sch’i na dettia nagina colliaziun da glista da tut las partidas burgaisas. Dentant era quai saja anc avert e la finala hajan ins anc temp fin ils 10 d’avust da fixar ed inoltrar colliaziuns, uschia Heinz Brand.

La gasetta «Südoschweiz» aveva rapportà che Heinz Brand veglia far squitsch sin la PLD ed uschia era sin il cusseglier dals chantuns Martin Schmid. Evitar quai possia la PLD cun ir en ina coaliziun da glistas cun la PPS. Uschia fiss la via libra per la segunda candidata da la PPS Magdalena Martullo-Blocher.

Artitgels legids il pli savens