Siglir tar il cuntegn
Inhalt

Chantun PPS grischuna: La candidatura resta in misteri, dentant...

La PPS è la suletta partida che ha anc da nominar lur candidata, candidat, ubain lur candidats per las elecziuns da la regenza dal Grischun da proxim onn. Nus avain empruvà quasi tut al di da la partida, per chattar or tgi che quai è.

Heinz Brand, il president da la PPS dal grischun, na tradescha betg tgi che la partida nominescha per las elecziuns da la regenza da l'auter onn.
Legenda: Heinz Brand Heinz Brand, il president da la PPS dal Grischun, na tradescha betg tgi che la partida nominescha per las elecziuns da la regenza da l'auter onn. G. Caviezel

Cun differentas tacticas avain nus vulì chattar or dals preschents dal di da partida, tgi che pudess esser il candidat ubain la candidata per las elecziuns da la regenza da l'auter onn. Dentant, ni impertinenza, ni naìvitad, ni corrupziun han gidà da sclerir il misteri. Tge ch'è dentant vegnì a la glisch: Forsa che Valerie Favre Accola e Walter Schlegel che tutgan tar ils favorits en la cursa per quella candidatura, èn lura tuttina betg quels che la partida propona la fin finala. Ubain betg ils sulets. Er auters nums curseschan...

RR actualitad 07.00