Siglir tar il cuntegn

Header

Navigaziun

cuntegn

Chantun Portas avertas al plazzal dal nov bajetg da l'ospital chantunal

Sonda passada han persunas interessadas pudì far in gir tras il plazzal dal nov bajetg da l'ospital chantunal e la chasa da letgs per uffants.

Radund 2'500 interessads han sonda fatg lur tura tras las novas localitads anc crivas da l'ospital chantunal. Ins ha survegnì in'invista en la construcziun nova dal bajetg H1 ed il bajetg M per l'ospital d'uffants.

Il gir ha entschet tar il bajetg H1. Al plaun terren vegn ins a chattar en futur l'entrada ed il retschaviment da l'ospital chantunal. En l'emprima auzada èn la cuschina e la cafetaria da l'ospital. En las auzadas suren vegni a dar salas d'operaziun, tractaments ambulants, tgira intensiva ed ils biros da la partiziun da chirurgia. Avertura dal bajetg H1 vegn ad esser la primavaira 2020.

Chasa da letgs per uffants.
Legenda: Chasa da letgs per uffants Uschia vegn il project M a vesair ora cura che la chasa è construida a fin. MAD, Ospital chantunal da Cuira

En la chasa da letgs da l'ospital d'uffants è ina gronda part chombras per ils pazients pitschens. Al plaun terren vegn construì tranter auter ina scola e stanzas per ils geniturs dals uffants. Quest bajetg vegn avert l'atun 2019.

Igl è nairas uras da construir in bajetg ch'è adattà als basegns dals uffants.
Autur: Arnold BachmannMeinafatschenta da l'ospital chantunal

RR actualitad 07:00