Siglir tar il cuntegn

Header

cuntegn

Chantun Polizia ha franà automobilist furius

Gievgia suentermezdi ha la polizia chantunala arrestà in automobilist ch'aveva violà numerusas reglas da traffic sin l'autostrada A13 e ch'era collidà cun dus autos.

L'automobilist è fugì da la polizia en direcziun sid cura che duas patruglias èn s'avischinadas a l'auto che steva eri datiers da Ziran. L'automobilist è charrà uschè privlus che la polizia ha serrà divers tunnels da la A13 en direcziun nord. Suenter duas collisiuns - ina cun in auto da polizia - ha la polizia pudì franar l'um da 32 onns da l'Australia. Quel ha lura attatgà la polizia avant ch'el è vegnì arrestà.

Uffant pitschen en l’auto

Tut ils passagiers en l’auto ed era l’uffant da var in onn ch’eran en l’auto cun l’um da 32 onns da l’Australia èn restads senza blessuras. Ils donns dals trais autos involvads vegnan ad esser plirs millis francs.

RR novitads 10:00

Artitgels legids il pli savens