Malgrà la crisa da corona: la Polizia chantunala grischuna na quinta betg ch'i dettia quest onn damain traffic vers sid sur il firà d'Ascensiun ch'ils ultims onns. Sco quai ch'il pledader da la Polizia chantunala Markus Walser ha ditg envers RTR, na vegnia la polizia cuntrari als dis da Pasca betg a prender mesiras extraordinarias pervia da corona. Ins saja preschent sco uschiglio era.
Il Tessin beneventa entant puspè ils giasts ch'eran anc vegnids supplitgads da star a chasa sur Pasca. Il glindesdi aveva «Ticino Turismo» perquai lantschà ina campagna da marketing per carmalar ils giasts en il sid.
audio
Per tadlar: Las novitads da las 12:00 uras
ord RTR Audio dals 20.05.2020.
Maletg: RTR
laschar ir. Durada: 6 minutas 45 Secundas.
