Andreas Wieland ed ils iniziants da la candidatura Grischuna per ils gieus olimpics 2026 han preschentà oz l’equipa che duai elavurar il concept per la candidatura. Era Reto Gurtner, CEO e president da l’Arena Alva, è en questa gruppa. Plinavant la dunna dad Andreas Wieland, Barla Cahannes, ch’è responsabla per la communicaziun. La deputada Angela Casanova vegn a s’occupar da las finanzas. La gruppa da lavur vegn uss ad elavurar in concept. Sin la basa da quel decida Swiss Olympic il november 2016, sch’ins va cun quella candidatura en la cursa per ils gieus 2026. La votaziun dal pievel per il sustegn dal chantun è il pli baud il settember 2016.
RR novitads 17:00