Siglir tar il cuntegn

Chantun Pli paucs dischoccupads il mars

Il chantun Grischun ha registrà il mars 1820 persunas dischoccupadas. Quai è ina quota da dischoccupaziun da 1,7 pertschient. Cumpareglià cun il favrer èn quai 200 persunas pli pauc.

um lascha sa cussegliar tar il rav
Legenda: La quota da dischoccupaziun è sa sbassada sin 3,4 pertschient il mars. Keystone

Sco quai che l'uffizi per l'industria mastergn e lavur dal Grischun scriva derivan las pli bleras persunas dischoccupadas da la branscha da construcziun e gastronomia. Vitiers eran il mars 18 manaschis cun 165 lavurers pertutgads da lavur curta.

Er en Svizra damain dischoccupads

En Svizra eran il mars 145'000 persunas senza lavur. Quai èn bunamain 5'000 persunas pli pauc ch'il favrer.Sco quai ch'il secretariat da stadi per l'economia SECO communitgescha è la quota da dischoccupaziun sa sbassada uschia sin 3,4 pertschient. Cumpareglià cun il mars 2014 è la dischoccupaziun dentant creschida per quasi 2 pertschient.

RR novitads 09:00