Siglir tar il cuntegn
Inhalt

Chantun Pled Rumantsch: «La cumbinella»

Tschintg scolaras ed in scolar da l’emprim stgalim superiur da Surses han scrit in'istorgia plain tensiun cun ils pleds rumantschs dals davos onns.

scolaras e scolar da l'emprim stgalim superiur da Surses en stanza da scola
Legenda: Silvano, Svenia, Lia, Carmen e Sina han scrit l'istorgia cun ils pleds rumantschs ensemen cun lur scolasta da rumantsch Zegna Pittet. (Sin il maletg manca Laura). RTR, R.Müller

En quella istorgia è il mund en grond privel e be ina vaccinaziun pudess salvar la carstgaunadad da magliar anc dapli arsucs. Ma ina firma da raffaders ed in giuven che vul gnochergnar vegnan a Maura enta pes. Va l'istorgia che gioga en l’onn 3000 ora bain?

Ils pleds vaccinaziun, arsuc, raffaders e gnochergnar èn pleds rumantsch dals davos onns. Ils scolars da Surses han gì l'incumbensa da duvrar tants pleds da l'onn sco pussaivel. L’istorgia porta il titel: «In pitschen pic cun grond effect».

Ussa vegn l'istorgia tagliada dapart e zuppada glindesdi ils 18 da december en set lieus dal Grischun. Tgi che chatta ina da las parts survegn in radio DAB. E tgi che inoltrescha il nov pled rumantsch 2017 vegn remunerà cun in bon da 500.- francs da la Swiss.