Pervi da duas remartgas ch'il cusseglier guvernativ Jon Domenic Parolini aveva fatg en connex cun il scandal da cartels en l'emissiun cuntrasts, aveva l'advocat dal whistleblower Adam Quadroni inoltrà in plant pervi da la violaziun da l'onur ed in ulteriur pervi da l'offaisa dal secret d'uffizi.
Sco quai che Parolini ha declerà envers la gasetta Posta Ladina haja l'advocat da Quadroni entant retratg il plant pervia da la violaziun da l'onur. Il plant pervi da l'offaisa dal secret d'uffizi n'haja la Procura publica ord mancanza da caracter da secret betg tractà vinavant. Uschia sajan uss omadus plants giud maisa.
RR novitads 20:00