Quai da raschun pervi da la votaziun dad avant dus onns en connex cun la planisaziun dal territori.
Lura aveva il suveran ditg gea a la revisiun da la lescha ed uschia procurà persuenter ch’ils chantuns ston ir enturn pli precaut cun il terren.
Uss èsi per exempel uschia che sch’ina vischnanca fa or da terren d’agricultura, terren da construir, lura sto ella cumpensar quest terren in tar in e mida in’autra zona da construir. L’uffizi da planisaziun ha dentant anc da far blera lavur. Per exempel sto el eruir tge vischnancas che han memia grondas zonas da construir e procurar persuenter che quellas vegnan reducidas e quai vegnia segiramain a chaschunar resistenza, è Richard Atzmüller persvas.