Siglir tar il cuntegn

Header

cuntegn

Peter Peyer «Contact-tracing vegn pli e pli impurtant»

Dapi ier è la cumpetenza da prender mesiras en connex cun il coronavirus puspè tar ils chantuns. Tenor cusseglier guvernativ Peter Peyer è il chantun pronts per questa incumbensa. Ins haja emprendì ord ils davos mais e sappia uss reagir meglier sin la situaziun.

Il mument n'èn betg planisadas mesiras spezialas

En cas ch'i dess puspè novas infecziuns u forsa schizunt ensainas per ina segunda unda dal virus, stuess il chantun prender mesiras. Tenor Peter Peyer pudessan quellas tranter auter esser quarantinas localas per exempel en ina regiun u en in hotel. Uss saja il pli impurtant da guardar, co che la situaziun sa sviluppeschia las proximas emnas. Quai muntia che il diever da contact-tracing daventia pli e pli impurtant.

audio
Peter Peyer davart las ultimas schluccadas dal Cussegl federal
ord Actualitad dals 23.06.2020.
laschar ir. Durada: 3 minutas 21 Secundas.

Dumonda da finanziaziun

Per il mument n'èsi anc betg cler, sche la responsabladad dals chantuns munta era, ch'ils chantuns ston surpigliar la responsabladad finanziala. Tenor Peter Peyer è il chantun Grischun anc mitschà bain durant l'emprima unda dal virus. Sch'i vegniss dentant tar ina segunda, pudess quai forsa vesair ora auter. Far prognosas saja dentant anc grev. Cun las novas schluccadas e la responsabladad als chantuns sajan ins anc en ina fasa da test. Uss saja da sperar che questa fasa e las schluccadas sa cumprovian.

RTR actualitad 12:00

Artitgels legids il pli savens