Siglir tar il cuntegn
cuntegn

Chantun Pestgadras e pestgaders pestgan damain peschs

Las pestgadras ed ils pestgaders grischuns han pestgà damain peschs l'onn passà. Il 2016 èn vegnids tratgs 130’000 peschs ord ils lais e flums grischuns. Cumpareglià cun la media dals ultims 10 onns èn quai 30’000 pli pauc.

Dus pestgaders en Engiadin'Ota.
Legenda: Per la reducziun marcanta da la pestga da salmelins n'ha il chantun anc nagina declaraziun. Keystone

Il 2016 èn vegnids tratgs 130’000 peschs ord ils lais e flums grischuns. Cumpareglià cun la media dals ultims 10 onns èn quai 30’000 pli pauc.

1x pestgar = 1,1 pesch

Per ils experts n'è quai però nagina surpraisa. Sco quai ch'Andrea Baumann da l'uffizi chantunal da chatscha e pestga ha ditg envers il Schurnal regiunal da SRF giajan ils pestgaders damain a pestga.

La quota da success saja dapi onns constanta: In pestgader u ina pestgadra pestga en media 1,1 peschs tar mintga pestgada.

Reducziun marcanta tar salmelins e litschalas

Nagina decleraziun ha il chantun però per la reducziun marcanta da la pestga dals salmelins en l'Engiadin'Ota. Quella è sa reducida per la mesadad dapi il 2006. Er litschalas èn vegnidas pigliadas be pli mez uschè bleras.

Al mument èn perscrutaders londervi da chattar ora las raschuns per questa digren.

RR novitads 17:00+