Siglir tar il cuntegn
Inhalt

Chantun Pendicularas han quest mars gì dapli giasts

Las pendicularas grischunas han quest mars pudì carmalar bunamain 6% dapli giasts ch'il mars 2017.

Pendiculara.
Legenda: Visavi a la media dals davos 10 onns han tut las pendicularas pers giasts. (maletg simbolic) Keystone

Malgrà che quest mars è stà in dals pli grischs dapi ch'ins ha cumenzà a mesirar, han las pendicularas grischunas gì 5,9% dapli giasts.

Ma betg mo il mais dal mars è quest onn stà meglier ch'il 2017, mabain durant l'entira stagiun han ins quest onn enfin uss dumbrà dapli giasts.

Dumber è ì enavos ils davos tschintg onns

Sch'ins cumpareglia las cifras da questa stagiun dentant cun la media dals davos tschintg onns, lura han ins quest onn gì 1,1% pli pauc giasts. La gronda part da la reducziun va sin il conto da las pendicularas engiadinaisas. La Surselva, Arosa ed il Grischun central han quest onn perfin gì dapli giasts visavi la media dals davos tschintg onns.

Guardà sur ils davos 10 onns han tut las pendicularas pers giasts.

Legende: Video Ultim di da skis a Breil abspielen. Laufzeit 03:22 Minuten.
Or da Actualitad video dals 02.04.2018.

RR novitads 18:00