Siglir tar il cuntegn

Chantun Pendicularas grischunas – sustegn dal maun public per surviver

En il Grischun na savessan dus terzs da las pendicularas betg surviver senza ils daners dal maun public.

Legende: Video Las vischnancas gidan las pendicularas abspielen. Laufzeit 3:38 Minuten.
Or da Telesguard dals 30.05.2018.

La radunanza communala da Surses ha decidì d'emprestar dus milliuns francs a las pendicularas da Savognin par ina nova gondla. E Savognin n’è betg ina excepziun. En il Grischun è quai ina chaussa normala che vischnancas, pia il maun public investescha en l'infrastructura turistica. Ma è quai bun?

HTW elavura manual che duai sustegnair vischnancas

Il mument sajan bun ina mesa milliarda francs daners da taglia en circulaziun tar las singulas pendicularas, tar bogns termals ed en autra infrastructura. Quai di Curdin Derungs, professur a la HTW a Cuira. Tenor el saja quai bain ina schanza, ma er in risico. In deficit u schizunt in bancrut sajan numnadamain adina pussaivels. In studi da l'Universitad da Berna mussa ch'il ristg d'investir blers daners en ina branscha che cumbatta cun problems structurals è grond.

Las vischnancas stoppian perquai ponderar bain, nua ch'i fetschia propi senn d'investir en l'infrastructura turistica. Per sustegnair las vischnancas en tals cas ed infurmar co proceder en tals cas elavura la HTW actualmain in manual per suprastanzas communalas.

RR novitads 06:00