Siglir tar il cuntegn
cuntegn

Chantun Pendicularas: Enviern strusch alv chaschuna chaus cotschens

Danovamain han pauca naiv, temperaturas autas ed in ferm franc fatg rumpatesta a las pendicularas grischunas. Malgrà in lev augment da 0,5% dals giasts e 2,7% da las entradas è la bilantscha da l'enviern 2016/2017 dischillusiunanta. Quai scrivan las pendicularas en ina communicaziun.

Pista cun prada daspera.
Legenda: Las capriolas da l'aura durant la stagiun d'enviern 2016/17 han fatg quitads a las pendicularas. RTR, Isabelle Jaeger

Il terz enviern en roda cun grondas sfidas sco er la fermezza dal franc laschian fastizs tar las pendicularas, scriva il president da las pendicularas grischunas Martin Hug en ses facit. L’enviern 2016/17 saja stà tenor l’Institut federal per la perscrutaziun da naiv e lavinas stà quel cun la pli pauca naiv en l’istorgia, scrivan las pendicularas.

Cumbat da pretsch ruinus tranter las pendicularas

Hug avertescha er da las strategias da pretsch actualas da singulas interpresas. Quai legria il client, possia dentant ruinar la branscha, ellas sajan enorm privlusas.

Il monitur da l’organisaziun Pendicularas Grischun mussa il svilup da la branscha durant la stagiun d’enviern 2016/17. El cumpiglia 23 da 50 pendicularas grischunas e cun quai radund 90% da la svieuta dal transport en Grischun.

RR novitads 10:00