Siglir tar il cuntegn
Inhalt

Chantun PBD grischuna sustegna strategia d'energia 2050

La Partida burgais-democratica dal Grischun sustegna cleramain la strategia d’energia 2050. A sia radunanza da delegads ha la PBD decidì la parola GEA per la votaziun dals 21 da matg. Uschia suonda la partida grischuna a la partida mamma, la PBD Svizra.

Purtret d'in pult da podi da la PBD.
Legenda: La PBD grischuna suonda la partida mamma e sustegna la strategia d'energia 2050. Keystone

Cun la strategia d'energia 2050 vegnia rinforzada la producziun d'energia en il pajais, la forza idraulica vegnia sustegnida e l'effizienza da l'energia augmentada, metta Andy Kollegger, cusseglier grond cler. Gist per l'energia idraulica grischuna saja quai ina gronda schanza. Quella vegnia rinforzada entras la strategia d'energia, e quai saja impurtant per promover la pli impurtanta funtauna d'energia regenerabla en Svizra. Plinavant saja l'energia idraulica in impurtant factur economic per il Grischun che vegniss uschia segirà.

RR novitads 06:00