PBD a la tschertga da candidats per las elecziuns 2018

La partida burgais-democratica ha envidà ad in apero da Bunamaun en l’hotel Stern a Cuira. Ina buna occasiun da reflectar davart l’onn passà e da far ponderaziuns davart il futur.

barbara janom steiner, andreas felix, jon domenic parolini al pult

Legenda da maletgs: A l'apero da Bumaun ha la direcziun da la PBD grischuna gia mess ils terms per las elecziuns 2018. RTR, L. Cadonau

A l'apero da Bumaun ha Andreas Felix, il president da la Partida burgais-democratica dal Grischun (PBD), gratulà a Duri Champell per il bun resultat tar las elecziuns da parlament federal - pia sco cusseglier naziunal. Plinavant ha Felix engrazià a l'anteriura cussegliera federala Eveline Widmer Schlumpf.

Preparativas per l'avegnir da la PBD

Era il futur da la partida è stà in tema. Il futur che saja ina gronda sfida, tant naziunal sco era chantunal, ha ditg Andreas Felix en ses pled. Oravant tut las elecziuns dal Cussegl grond dal 2018. In terz dals represchentants da la PBD han lura cuntanschì la vegliadetgna da pensiun. Ils emprims hajan gia communitgà a la partida ch’els veglian demissiunar. La tschertga da candidatas e candidats ha cumenzà: las partidas circuitalas tschertgan successurs motivads per ils pensiunads.

RR Actualitad bunura 06:00