Siglir tar il cuntegn

Header

video
Parc d'urs Arosa – in purtret
Or da Telesguard dals 12.11.2019.
laschar ir. Durada: 3 minutas 31 Secundas.
cuntegn

Parc d'urs ad Arosa Ils urs sa preparan sin l'enviern

Cun la naiv che vegn sa preparan ils animals sin il temp d'enviern – uschia er en il Parc d'urs ad Arosa.

Cura ch'i vegn adina pli grev da chattar pavel en la natira – scappan blers animals en direcziun sid u ch'els sa retiran. Era en il Parc d'urs ad Arosa èn ils trais urs e lur tgiraders amez las preparaziuns per il sien d'enviern. Per ils tgiraders munta quai: Preparar massa pavel per ils trais urs Napa, Amelia e Meimo. Avant ch'els van a durmir, dovran els numnadamain ina tscherta reserva. Durant il sien d'enviern perdan els enturn 30% da lur pais. Vinavant mettan ils tgiraders a disposiziun strom ed auters materials, per ch'ils urs possian preparar lur boxas. En quellas dorman els durant ils mais d'enviern, cura ch'i na dat – sco en la natira – nagin pavel pli.

Ils instincts returnan

Avant ch'ils trais urs èn vegnids ad Arosa, han els vivì en schletas cundiziuns, tut autras che natiralas. Ils urs n'han durant quel temp mai fatg il sien d'enviern. Ussa, ch'els vivan puspè en cundiziuns relativamain natiralas, returnan er puspè lur instincts – ed els sa preparan sin il sien d'enviern, sco sch'els n'avessan mai fatg auter.

Segund premi d'innovaziun

Perquai ch'il Parc d'urs ad Arosa sa dat talmain fadia en connex cun la protecziun dals animals – e cumbinescha quai sco nagin auter cun ina purschida turistica – è il parc stà nominà per il premi «Milestone». La finala hai tanschì per il segund premi en la categoria innovaziun.

TR Telesguard 17:40

Artitgels legids il pli savens