Siglir tar il cuntegn
cuntegn

Chantun Pader Clau Lombriser è mort

Pader Clau Lombriser è mort en la vegliadetgna da 71 onns. Quai ha communitgà il il provinzial da la provinza dominicana svizra ed il prior da la claustra St. Hyazinth da Friburg.

Il pader dominican Clau Lombriser è mort en la vegliadetgna da 71 onns.
Legenda: Il pader dominican Clau Lombriser è mort en la vegliadetgna da 71 onns. RTR, Guadench Dazzi

Pader Clau Lombriser ha, tranter auter, vivì e lavurà 10 onns a Kigali en Ruanda. Dal 1995-2012 ha el pastorà la plaiv catolica franzosa a Turitg.

Dapi tschintg onns era el directur dal secretariat da Fidei Donum. Quai è il post da la conferenza svizra dals uvestgs che sustegna ils spirituals seculars e laics en ils pajais en svilup.

Pader Clau Lombriser è dentant tut ils onns restà en stretg contact cun Grischun e la Surselva. Dal 2007 fin 2016 ha el era fatg part da la squadra dal FORUM da Radiotelevisiun Rumantscha. Sias emissiuns spievlan ses grond engaschament per il conuman e sia capacitad analitica spiertusa. Impressiunant per exempel il forum dals 15.06.2014 «L'Africa suenter 25 onns».

Tenor ses giavisch vegn pader Clau Lombriser vegn sepulì sin il santeri da la claustra dominicana a Glion.

RR novitads 20:00