Surprendent, tgi che ha tut ditg da na: Tut las pussaivlas Host Cities – Tavau, San Murezzan e Cuira – han tramess ils gieus olimpics 2026 giu per l'aissa. Durant che vischnancas sco Bravuogn, Maton e Sumvitg han ditg gea. En las decleraziuns dals presidents communals dat quai grondas parallelas.
Pudì profitar e betg suffrir las consequenzas
Il president communal da Maton, Silvio Clopath di che las pendicularas avessan pudì profitar dals effects positivs dals gieus, senza suffrir da las consequenzas negativas, sco per exempel l'infrastructura che va en malura.
In effect che era il president da vischnanca da Sumvitg ha menziunà è che las regiuns pitschnas sajan dependentas da las grondas e vesian uschia plitost il basegn da lavurar ensemen e na esser memia egoistics. Er a Bravuogn guarda la situaziun ora tuttina.
Facit pussibel
Vischnancas che avessan il meglier cas pudì profitar ed avessan gì da perder nagut èn plitost stadas per ils gieus olimpics. Vischnancas ch'avessan stuì ir en in ristg pli aut han plitost ditg na als gieus.
RR actualitad 08:00