Siglir tar il cuntegn

Header

cuntegn

Chantun Nua è l'urs M25?

L'emettur dal cularin dad M25 n’emetta nagins signals pli. Quai ha Radiotelevisione Svizzera Italiana rapportà avant curt en l'emissiun Grigioni Sera.

Uss tschertgan las autoritads talianas l'urs perquai ch'il cularin vegn plaunsieu memia pitschen. M25 savess stenscher vi dal cularin.

Autoritads grischunas na fan nagins quitads

Ils Grischuns na fan nagins quitads per l'urs, quel saja il problem dals Talians di Georg Brosi, l'inspectur da l'Uffizi da chatscha. Pir cura che M25 vegniss sin territori svizzer sa fatschentassan ils Grischuns puspè cun el.

È M25 mort? È el forsa en ina vallada, nua che l'emettur vegn disturbà? U stenscha il cularin bainbaud l'urs? La populaziun dal Puschlav ch'è pertutgada da l'urs M25 fiss forsa leda, sche l'urs na vivess betg pli.

audio
Bunura: Nua è l’urs M25?
ord Actualitad dals 11.04.2015.
laschar ir. Durada: 2 minutas 8 Secundas.

E las autoritads grischunas? Lezzas spetgan e guardan tge che schabegia.

Artitgels legids il pli savens