Siglir tar il cuntegn

Header

cuntegn

Chantun Novs centers per requirents d'asil a Mustér ed a Trimmis

Il Hostel Cucagna a Mustér e l'hotel Bahnhof a Trimmis daventan centers per requirents d'asil.

Il Hostel Cucagna, l'anteriur Hotel Bellavista, en il center dal vitg da Mustér daventa in center per requirents d'asil. Quai communitgescha la regenza grischuna. Pervi dal dumber creschent dals requirents d'asil dals davos mais è il chantun stà sfurzà d'agir. Er l'hotel Bahnhof a Trimmis affitescha il chantun sco center collectiv.

Plinavant ha la regenza accentuà ch'il chantun vegnia a sa tegnair vid sia strategia. Cuntrari a la gronda part dals auters chantuns na reparta el numnadamain betg ils requirents d'asil direct a las singulas vischnancas. Per mantegnair la segirezza pretenda il Grischun da la Confederaziun da rinforzar il corp da guardia-cunfins.

RR novitads 20:00

Artitgels legids il pli savens