Siglir tar il cuntegn

Chantun Novas pussaivladads per sustegnair l’economia grischuna

La revisiun totala da la lescha per promover il svilup economic en il chantun Grischun va en vigur cun il 1. da schaner.

La zona d'industria da Landquart ed Igis.
Legenda: La zona d'industria da Landquart ed Igis. RTR, S. Derungs

Sper la pussaivladad d'acquistar bains immobigliars en lieus cun potenzial per l'economia publica, po il chantun era promover en l'avegnir projects d'infrastructura ch'èn impurtants per il sistem. Per quest intent stattan a disposiziun ils proxims 8 onns 80 milliuns francs, sco il chantun scriva. Sco impurtant per il sistem valan projects, dals quals differentas interpresas profiteschan e pon generar da lur vart creaziun da valur.

La lescha revedida pussibilitescha era da sustegnair occurrenzas, indrizs da sport e manaschis d'alloschament e projects innovativs. Era las contribuziuns a Grischun Vacanzas ed a favur da la marca “Graubünden” sa basan sin la nova lescha.

RR Novitads 09:00