La vischnanca da Domat e la Viafier retica planiseschan midadas en valita da 30 milliuns francs a la staziun da Domat. Lur ideas han els preschentà la gievgia saira ad ina saira d'infurmaziun:
- Els vulan construir ina nova staziun sin pliras auzadas.
- Ils perruns ed ils binaris vulan els adattar als basegns da persunas cun impediments.
- La vischnanca da Domat e la Viafier retica vulan dentant betg mo cuntentar ils basegns da persunas cun impediment, mabain far pli attractiv per tut ils clients il viadi cun tren: in sutpassadi tar la Gassa surò duai scursanir il temp da spetga. E quai tut enfin il 2022.
audio
Nova staziun a Domat
ord Novitads dals 02.02.2018.
laschar ir. Durada: 43 Secundas.
Sco la gasetta Südostschweiz rapporta, hajan il president da la vischnanca Erich Kohler e represchentants da la Viafier retica discurrì d'ina transfurmaziun cumpletta che duai far pli attractiv il traffic cun tren. Il credit vegnia l'atun davant il pievel. E sch'el vegnia approvà cumenzian ins gia l'onn 2019 cun las lavurs.
RR novitads 07:00