Siglir tar il cuntegn

Header

Navigaziun

Diana Joerg.
Legenda: Diana Joerg sin il canapé dals dis da litteratura. RTR, G. Hosang
cuntegn

Chantun Nova responsabla per communicaziun tar Lia Rumantscha

Diana Joerg, la responsabla per la communicaziun tar la Lia Rumantscha (LR), terminescha la fin d’october sia lavur. Ella s’orienteschia professiunalmain da nov, scriva la LR.

Diana Joerg lavura dapi l’entschatta dal 2014 per Lia Rumantscha. Sper sias incumbensas en la communicaziun è ella stada cunresponsabla per la creaziun da la nova pagina-web e manadra da redacziun da la newsletter «raschlada», uschia la LR.

La successura da Joerg: Susanna Scolieri

Ils champs social media, pagina-web e newsletter surpiglia da nov Susanna Scolieri. Ils ulteriurs champs da la partiziun communicaziun e PR vegnian occupads pli tard, scriva la Lia.

Scolieri ha lavurà durant 2 ½ onns per la fundaziun «inplus» a Laax sco manadra da differents projects. Proximamain terminescha ella il MAS en Business Administration a la Scola auta da tecnica ed economia a Cuira.