Siglir tar il cuntegn

Header

Navigaziun

Myriam Keller maina la nova partiziun da Grischun vacanzas "Innovation & Research".
Legenda: Myriam Keller maina la nova partiziun da Grischun vacanzas «Innovation & Research». RTR, Fabia Caduff
cuntegn

Chantun Nova partiziun per Grischun vacanzas

Il turissem grischun duess chattar ina via ord la crisa. Quai vul era Grischun vacanzas cun sia nova strategia. In pass en quella direcziun è ina nova partiziun da l’organisaziun turistica cun il num «Innovaziun e perscrutaziun».

Ideas per projects turistics na mancan betg. Il problem saja plitost la realisaziun da quellas, di Myriam Keller, l'anteriura scheffa ad interim da Grischun vacanzas che maina la nova partiziun «Innovaziun e perscrutaziun».

Las differentas ideas na vegnan betg mo da Grischun vacanzas, era ils partenaris sco hoteliers, pendicularas ed autras organisaziuns vegnan cun ideas. Dentant: Savens mancan ils raps e las resursas per realisar quellas. Precis qua vegn la nova partiziun en acziun. La partiziun piglia encunter las ideas e realisescha las meglras. Uschia duai era vegnir rinforzada la collavuraziun cun ils differents partenaris. Emprims projects sajan gia en elavuraziun.

Ideas per promover il turissem na mancan betg – il problem è dentant il pli savens la realisaziun. Perquai essans nus uss qua.
Autur: Myriam KellerGrischun vacanzas

Tals projects pli gronds duai ussa dar dus fin trais per onn. Ils projects sajan però limitads temporalmain. Per la partiziun stattan a disposiziun fin 200'000 francs.

La partiziun n'è però betg mo vegnida realisada per ramassar ideas per projects. Igl è er ina partiziun che guarda, tge innovaziuns ch'i dat e tge che la concurrenza fa. Quai cumpiglia era la digitalisaziun: Cun datas digitalas dals giasts vul ins empruvar da porscher a quels in servetsch individual.

RR actualitad 11:00