Siglir tar il cuntegn

Header

logo candidatura grischuna gieus olimpics, capricorn en las 5 colurs dals rintgs olimipics
Legenda: Co stat il pievel grischun envers ina nova candidatura grischuna per gieus olimpics? RTR
cuntegn

Chantun Nov'emprova per gieus olimpics en il Grischun

Il deputà Remo Cavegn ha inoltrà ina dumonda per sustegn dad ina candidatura grischuna per ils gieus olimpics d’enviern 2026, la regenza grischuna è pronta da sustegnair questa idea. Il temp per metter sin maisa in concept è dentant curt.

Gia la primavaira 2016 vul Swiss Olimpic decider, cun tge candidatura ch’ins vul ir en la cursa per ils gieus olimpics 2026. Fin uss vegnan en dumonda il Vallais cun Sion e da nov pia il Grischun.

Uss surprenda l’uniun da commerzi grischuna il proxim pass. Ella vegn a tschentar in’organisaziun da project cun in manader da project. Tranter auter hajan ins era discurrì cun Gian Gilli. Ina decisiun n’è dentant anc betg crudada. Ins vul communitgar dapli fin mez november.
Gia pront per cumbatter ils plans per ina candidatura è Stefan Grass cun il comité encunter gieus olimpics. El na crai betg che l'IOC haja propi midà las cundiziuns e ch’ins veglia gieus pli pitschens e persistents. Quai è tranter auter in da las raschuns dals adherents da puspè lantschar ina candidatura.