Siglir tar il cuntegn

Chantun Nov dirigent per la filarmonia da chombra

Cun gronda maioritad è Philippe Bach vegnì elegì. El surpiglia la nova funcziun a partir da la stagiun 2016/2017.

Il dirigent Philippe Bach.
Legenda: Philippe Bach daventa nova schef-dirigent da la filarmonia da chombra grischuna. Keystone

La filarmonia da chombra grischuna vegn en l'avegnir dirigida da Philippe Bach. Uschia possia il futur musical da la filarmonia cumenzar, ha ditg la suprastanza da la filarmonia suenter la nominaziun dal nov dirigent. Quai scriva il «Bündner Tagblatt».

En tut eran trais dirigents en la cursa finala. La finala ha Bach fatg la cursa e saja vegni elegi da la gronda part dals commembers dal orchester, ha confermà la vicepresidenta Dorina Attinger-Vincenz al «Bündner Tagblatt».

Philippe Bach è naschì il 1974 a Saanen en il chantun Berna. Il mument è el directur da musica general dal teater a Meiningen en Germania. A partir da la stagiun 2016/2017 surpiglia el la filarmonia da chombra grischuna.

RR novitads 07:00