Chantun - Nov curatur per il Museum d'art Grischun
Lynn Kost è il nov curatur dal Museum d’art Grischun. Lynn Kost succeda a Katharina Ammann che mida da Cuira a Turitg. Ella surpiglia la partiziun istorgia d'art a l'Institut svizzer per scienza d'art.
Sco quai ch'il directur dal museum d'art Stephan Kunz ha confermà envers RTR, cumenza Kost sia plazza l'emprim d'avrigl 2015 cun in pensum da 20%. Davent dal settember lavura el lura 100% per il Museum d'art Grischun. Actualmain è Kost curatur dal museum per art temporan Allerheiligen a Schaffusa.